Novaĵoj
La 25-an de junio la Ĉina-Rusa Forumo inter Amaskomunikiloj inaŭguriĝis en St. Petersburg de Rusio. La inaŭguran ceremonion ĉeestis Liu Qibao, membro de la Politika Buroo de la Centra Komitato de la Komunista Partio de Ĉinio (KPĈ) kaj estro de la Publikiga Departemento de la Centra Komitato de KPĈ, Alexi Gromov, la unua vicdirektoro de la Prezidenta Administracio de Rusio, estroj de rilataj departementoj de la du landoj kaj tiuj de ĉefaj amaskomunikiloj.
Dum la forumo oni diskutos pri la temoj "La Roloj de la Amaskomunikiloj en la Kuniga Kunlaboro de la Konstruado de Ekonomia Zono laŭ la Silka Vojo kaj Tiu de Ekonomia Unio de Eŭropo kaj Azio" kaj "Interŝanĝo kaj Kunlaboro inter Novaj Amaskomunikiloj Ĉinaj kaj Rusaj" kadre de la ĉeftemo "Kiel Fari Internacian Disvastigon en la Tut-amaskomunikila Epoko".
Liu Qibao faris parolon sub la titolo "Tenu la ideon de kunlaboro kaj reciproka fido kaj kreu la novan estontecon de la disvolvo de ĉinaj kaj rusaj amaskomunikiloj". Li diris, ke la tut-amaskomunikila epoko denove difinis la manieron por disvastigi kaj ricevi informojn kaj liveris al la disvolviĝantaj landoj kaj landoj kun novaj merkatoj malfacile akireblajn ŝancojn kaj favorajn kondiĉojn por ke ili fortigu internacian disvastigon, gajnu parol-rajton kaj realigu "veturilo-devancon sur kurba vojo". Li konigis ĉinajn rimedojn kaj metodojn por akceli kunfandiĝon de amaskomunikiloj kaj uzadon de novaj amaskomunikiloj kaj por levi kapablojn en internacia disvastigo.
Post la inaŭguro Liu Qibao kaj Alexi Gromov ĉeestis la subskriban ceremonion de la rezultoj pri kunlaboroj inter ĉinaj kaj rusaj amaskomunikiloj. Tiu-tage la du flankoj subskribis 9 dokumentojn, kiaj interkonsento pri la televida filmo Clear Sky subskribita de la Pekina Kompanio por Kultura Disvolvo kaj la rusa kompanio Clear Sky, la memorando pri kunlaboro en tradukado de klasikaj kaj modernaj verkoj de Ĉinio kaj Rusio subskribita de la Ĉina Ŝtata Administracio pri Gazetaro, Eldonado, Radio, Filmo kaj Televido kaj la Federacia Agentejo por Gazetaro kaj Amaskomunikiloj de Rusio, la interkonsento pri eldono de la albumo memore al la 70-a datreveno de la venko de la Monda Kontraŭfaŝisma Milito subskribita de la Ĉina Internacia Eldona Grupo kaj la rusa novaĵ-agentejo Tass, kaj memorando pri kunlaboro subskribita de la Ĉina Internacia Libro-Komerca Korporacio kaj la Ŝtata Biblioteko de Rusio.
Pliaj informoj: http://www.espero.com.cn/2015-06/26/content_35917026.htm
- Kategorio: Novaĵoj
- Vizitoj: 1912
La centra banko de Gvineo lastatempe publikigis novan papermonon kun la valoro de 20 mil gvineaj frankoj. Sur la dorsa flanko de la papermono troviĝas arkitektura ilustraĵo de la hidroelektrejo Kaleta, la plej granda hidroenergia projekto kunlabore konstruita de Ĉinio kaj Gvineo.
Sur la dorsa flanko de la papermono troviĝas arkitektura ilustraĵo de la hidroelektrejo Kaleta.
La hidroelektrejo Kaleta estas la plej granda projekto kontraktita de Ĉinio en Gvineo kaj laŭplane oficiale ekfunkcios en la fino de julio. Gvineo havas malaltan nivelon de la ekonomio kaj malbonan infrastrukturon, kaj la hidroelektrejo povos liveri energion al la tuta lando por helpi disvolviĝon de la ekonomio en longa perspektivo. Malgraŭ serioza epidemio Ebola dum la konstruado, la ĉina teamo klopodis por ĝustatempe fini la projekton kun alta kvalito.
La gvinea registaro presis la arkitekturan ilustraĵon de la hidroelektrejo Kaleta por montri la gravecon de tiu ĉi projekto por la lando kaj ĝia popolo. El alia vidpunkto tiu ĉi fakto evidentigas, ke la ĉina entrepreno enirinta Afrikon fakte alportis profiton kaj la registaro de Gvineo volas esprimi dankemon al Ĉinio.
De longe, Ĉinio pozitive helpas Afrikon pri ĝia konstruado de memkapablo kaj rapidigas konstruadon de infrastrukturoj. Ĉinio jam respondecis pri la fervojo Mombasa-Nairobi en Kenjo, la fervojo Benguela en Angolo, la fervojo Abuja-Kaduna en Niĝerio kaj la unua urba fervojo en Etiopio. Laŭ statistikoj, en Afriko Ĉinio jam konstruis fervojojn de 2 200 kilometroj kaj ŝoseojn de 3 500 kilometroj.
En la pasintaj jardekoj, Ĉinio sendis medicinajn taĉmentojn al Afriko, kaj kies popolanoj akceptis generaciojn kaj generaciojn da ĉinaj kuracistoj. Tipa ekzemplo estas la batalo kontraŭ epidemio Ebola. Kiam okcidentaj taĉmentoj foiris unuj post aliaj, la ĉinaj kuracistoj malgraŭ granda risko faris savadon kaj kuracadon en la lokoj.
Laŭ komenta artikolo de la brita ĵurnalo Financaj Tempoj, la okcidentaj landoj ne povas fari bonan ekzemplon en la batalo kontraŭ Ebola, sed kompare, Ĉinio ludas gravan rolon en la savado kaj ili plibonigas necesan infrastrukturon en Afriko.
Kvankam Ĉinio kaj Afriko estas geografie malproksimaj, la kunlaboroj de la du flankoj donas pozitivan povon al la revivigo de Afriko kaj la komunumo de komuna destino pli kaj pli ligos Ĉinion kaj Afrikon.
Pliaj informoj: http://www.espero.com.cn/2015-06/24/content_35898011.htm
- Kategorio: Novaĵoj
- Vizitoj: 1723
Martine, franca esperantistino, portante la fortan volon koni Ĉinion, finis sian unu-monatan vojaĝon en la lando. Ŝi estis ĝoje akceptata de ĉinaj esperantistoj: en majo ŝi partoprenis en la 67-a IFEF-kongreso en Kunming de Yunnan-provinco, suda Ĉinio, kaj en junio ŝi venis al Pekino. Dum sia restado en Pekino, Martine vizitis multajn vidindaĵojn akompanate de membroj de la Pekina Esperanto-Asocio (PEA).
Antaŭ ol reveni al Francio, Martine vizitis la Esperanto-kursojn okazantajn en la Pekina Lingva kaj Kultura Universitato, tie ŝi prelegis pri siaj hejmoloko kaj ĉi-foja vojaĝo en Ĉinio. Ŝi tre ĝojis pro la kontentiga vojaĝo en kiu dumtempe ŝi estis varme gastigita, precipe multe prizorgita de PEA. Inter pluraj urboj en Ĉinio ŝi plej longe restis en Pekino kaj plej multloke turismis tie. Kun dankemo al pekinaj esperantistoj, ŝi diris, ke ŝi nepre skribos aŭ prelegos pri siaj spertoj, diskonigante al esperantistoj kaj aliaj konatoj pri la bela vojaĝo, pri la gastigemaj ĉinoj kaj pri la progresoj kiujn Ĉinio atingis. Ĉio ĉi tio certe pliigos la amikecon inter la popoloj de Ĉinio kaj Francio. Fine ŝi invitis pekinajn esperantistojn vojaĝi al Francio.
- Kategorio: Novaĵoj
- Vizitoj: 1618
Teksto kaj fotoj de Liba Gabalda el Francio
Fotoj pri aktivadoj de la eventoj
La ĉi-jara IFEF-kongreso okazis de la 16-a ĝis la 23-a de majo samtempe kun la 11-a Ĉina Kongreso de Esperanto, kiu daŭris nur tri tagojn. Ĝi okazis en la urbo Kunming nomata la urbo de eterna printempo. La temperaturo superis 30˚C dum nia kongresa semajno. Kunming situas en bela parto de la provinco Yunnan en sudokcidenta Ĉinio. Ni restadis rande de la urbo en agrabla hotel- kaj kultur-komplekso Fubao, kie okazis ambaŭ kongresoj. Krom multaj ĉinaj partoprenantoj al la evento aliĝis 42 geesperantistoj el Eŭropo. Jam en la flughaveno bonvenigis nin "freŝbakitaj esperantistoj". Ili estis volontuloj el studentoj de la Profesia Artkolegio de Kunming. En ĉiuj okazaĵoj ili estis pretaj saluti nin denove. Dum la interkona vespero ĉinaj esperantistoj preparis muzikan programon.
La dimanĉa inaŭguro estis impona. Ĉe la enirejo de la salono ambaŭflanke vice staris belaj junulinoj vestitaj en buntaj kaj elegantaj etnaj kostumoj. Sur la podio sidis ĉinaj reprezentantoj kaj gravuloj de la E-movado. Inter ili la prezidantino de IFEF Rodica Todor, la sekretario Vito Tornillo kaj la honora prezidanto Romano Bolognesi, la du lastaj el Italio. Post la festparoladoj oni realigis komunan fotadon antaŭ la akceptejo. Agrabla estis muzika prezento kun tradiciaj ĉinaj instrumentoj. Post tio, sekvis salutado de reprezentantoj de diversaj landaj sekcioj de IFEF kaj aliaj asocioj. Ĉe la fino, post la malfermo de la kongresoj, gestudentoj de la Profesia Artkolegio de Kunming bravvoĉe kantis la E-himnon La Espero. Posttagmeze jam komenciĝis serioza programo. Ĉinoj prezentis surekrane retpaĝojn de El Popola Ĉinio kaj de la Ĉina Radio Internacia (ĈRI) ni povis aŭskulti partojn de la programo kaj spekti kelkajn filmetojn, kiuj gajnis la konkurson de la filmo-festivalo Teo kaj Amo. Posttagmeze okazis E-kurso gvidata de s-ino Luigia Oberrauch Madella el Italio.
La temo de la fervojista kongreso estis: Esperanto kunligu la landojn laŭ la nova Silka Vojo. Oni menciis la fakton, ke la unua internacia fervojlinio de Ĉinio ekiris de Kunming ĝis Vjetnamio en la jaro 1910. Okazis kelkaj fakprelegoj, gazetara konferenco, oni parolis pri movadaj aferoj kaj fervojaj novaĵoj. Bruno Henry parolis pri sia vojaĝado en Irano, Liu Jun prelegis pri la svisa fervojo, Ladislav Hakl pri la vartrafiko en Eŭropo kaj Azio. Gastoj el Bulgario prezentis la venontan IFEF-kongreson okazontan apud la urbo Varna ĉe la Nigra Maro. Ĉe la fino de la kongreso oni transdonis al ili Esperanto-flagon.
Ege interesaj kaj emociplenaj estis ĉiuvesperaj kulturaj programeroj kaj altnivelaj artaj spektakloj fare de junaj gestudentoj kaj profesoroj de la Profesia Artkolegio, kies direktoro s-ro Duan Yongxing estas esperantisto kaj samtempe la prezidanto de la LKK. Ni spektis diversajn dancojn, kantojn kaj ĥorkantadon, muzikaĵojn kaj emocio-plenajn akrobataĵojn. En tiuj spektakloj oni nur malfacile povas superi la ĉinan talenton. Ĉio estis vere altkvalite prezentita kaj la kantotekstojn tradukitajn al Esperanto ni povis legi surekrane. Ni estis ravitaj pri ĉiuj riĉaj programeroj. Ili restos longtempe en memoro de ĉiuj kongresanoj.
Alia rimarkinda afero estis la manĝo. Rondaj tabloj pleniĝis per specialaj ĉinaj pladoj, parte tre spicitaj. En la memserva manĝejo estis elekto el pli ol kvindek pladoj. Abundo da ĉiuspecaj legomoj, viandaĵoj, ovaĵoj, fiŝaĵoj, vaporumitaj farĉitaj farunbuloj, diversaj saŭcoj, supoj, kuketoj, akvomelono kaj kompreneble ne mankis rizo trifoje tage. Ĉiutage ni povis gustumi ion novan. La manĝoj ofte estis tro spicitaj, tro pikaj. Tamen ĉio estis tre bongusta. Ĉinoj kutime trinkas akvon, teon aŭ rizakvon. Dum la bankedo ni gustumis fortan brandon. Se oni deziris trinki kafon oni devis ĝin mempretigi kaj aĉeti en vendejo.
Dum la IFEF-semajno ni ekskursis al Xishan-Monto (Okcidenta Monto). Per telfero ni supreniris ĝin kaj de tie ni piede malsupreniris admirante belajn pejzaĝojn, diversajn pavilonojn, ornamitajn ŝtuparojn, religiajn altarojn, kavojn, rokarojn kaj la lagon Dianchi. Dum alia duontaga ekskurso ni vizitis fervojmuzeon de Yunnan. Ĝi estis konstruita en la jaro 1990 ĉe la norda fervojstacio. Ni vidis multajn eksponaĵojn bezonatajn ĉe la fervojo kaj historiajn fotojn, dokumentojn pri konstru-fazoj de la fervojo, mapojn, uniformojn, trajnmodelojn ktp. En la lokomotiva halo min impresis diversaj lokomotivoj, ĉe kiuj ni grupe fotiĝis. La muzeo donas superrigardon pri la disvolviĝo de fervojo en la provinco Yunnan.
Poste ni ĝuis promenon en la parko de Cuihu-lago (Verda Lago). Ĝi estas tre animita. Kelkaj personoj ekzercas dancadon kaj aliaj spontanean kantadon. Iuj ripozas ĉe lotusplena lageto, aŭ ludas ĉinan tabloludon, aliaj aĉetumas aŭ rigardas budojn plenajn je memoraĵoj, vestaĵoj, manĝaĵoj. Admirindaj estas diversaj pavilonoj, pontetoj, insuletoj kaj bambuaro. Bedaŭrinde ne estis sufiĉe da tempo por trairi kaj malkovri la tutan 24-hektaran parkon.
La tuttaga ekskurso gvidis nin al la Ŝtona Arbaro. Ĝi situas je 85 km. for de la urbo Kunming. Survojaj laboroj malrapidigis nian busvojaĝon. Dume ni povis admiri variajn pejzaĝojn, malgrandajn vilaĝetojn, konstantan domkonstruadon kaj vastajn rizkampojn prilaborataj de kamparanoj kun tipaj konusaj ĉapeloj.
La Ŝtona Arbaro vere impresis nin. Ni promenis inter rokaroj, ĉirkaŭ lagetoj kaj diversformaj kaj koloraj ŝtonegoj. Laŭ fantazio oni povas en ili imagi diversajn figurojn kaj estaĵojn. Florantaj kampoj, ŝvebantaj papilioj, plurkoloraj arbustoj kaj tropikaj floroj alvokas fortan impreson kaj belecon de tiu paradiza loko.
Interesa estis ankaŭ la loka bazaro, kie oni vendis ion ajn, bezonatan kaj ne bezonatan. Allogaj estis tropikaj legomoj kaj fruktoj. Malpli allogis kokin- kaj porkpiedoj, pork-oreloj kaj muzeloj, vivaj bufoj kaj serpentoj atendantaj aĉetontojn por la konsumado. Ne mankis ŝamanaj medicinaĵoj.
La lasta vespermanĝo estis pli festa kaj la adiaŭa programo okazis denove en la halo de la profesia Artkolegio kun bunta programo. Kelkaj elstaraj personoj ĉiam post la prezentitaj spektakloj persone dankis kaj manpremis la aktorojn.
Dum la tuta semajno ni ĝuegis riĉan kulturan programon kaj ĉinan afablecon. Koran dankon al la organizantoj pro la etosoplena kongreso!
Por pli da informo, bonvole vizitu: http://www.espero.com.cn/
- Kategorio: Novaĵoj
- Vizitoj: 1481
- Kategorio: Novaĵoj
- Vizitoj: 1459
- Kategorio: Novaĵoj
- Vizitoj: 1552
La 16-an de majo komenciĝis la "duobla kongreso" en Kunming, la ĉefurbo de Yunnan-Provinco, sudokcidenta Ĉinio. Fakte temas pri la samtempa okazigo de la 67-a Internacia Fervojista Esperanto-Kongreso kaj la 11-a Ĉina Kongreso de Esperanto. La urbo Kunming, parenteze, estas konata kiel la pitoreska "urbo de la ĉiama printempo". Kolektiĝis entute pli ol 300 partoprenantoj el 15 landoj.
Internacian Esperanto-kongreson Kunming jam gastigis en 2012: en tiu jaro la konferenco de la Internacia Ligo de Esperantistaj Instruistoj okazis en tiu ĉi urbo.
La temo de la fervojista kongreso, kiu daŭros ĝis la 23-a de majo, estas: "Esperanto kunligu la landojn de la Silka Vojo". Tiu de la ĉina kongreso, kiu jam finiĝis en la 18-a de majo, tekstas: "Retrorigardado kaj perspektivado – la Esperanto-movado eniras en la novan etapon". En tiu ĉi artikolo ni raportas ĉefe pri la ĉina kongreso, lasante detalojn pri la fervojista kongreso al alia artikolo aperonta.
La 16-an, sabate, la kongresanoj el diversaj partoj de Ĉinio kaj de la mondo alvenis al la kongresejo, registriĝis kaj vespere okazis la interkona vespero, kiu prezentiĝis diversaj prezentaĵoj de esperantistoj ĉinaj kaj eksterlandaj.
Malfermo: Kunming, Esperanto kaj fervojoj kunligitaj
Chen Haosu, prezidanto de ĈEL, en parolado
Liang Gongqing, eksa vicestro de la provinco Yunnan, en parolado
Fang Zhenghui, la unua vicprezidanto de ĈEL kaj vicprezidanto de la Ĉina Internacia Eldona Grupo, en parolado
La 17-an, dimanĉe, inaŭguriĝis la du kongresoj en la Kultura Kastelo Fubao. Persone alparolis la inaŭguron Chen Haosu, prezidanto de la Ĉina Esperanto-Ligo; Liang Gongqing, prezidanto de la laborgrupo por la superrigardo de la fervoja kaj rapidŝosea konstruado, Popola Registaro de Yunnan-Provinco; Fang Zhenghui, vicprezidanto de la Ĉina Internacia Eldona Grupo; Duan Yongxing, prezidanto de la Loka Kongresa Komitato, kaj Rodica Todor, prezidantino de la Internacia Fervojista Esperanto-Federacio.
En sia parolado Chen Haosu substrekis, ke Esperanto trovu sian ĝustan lokon en la projekto "Unu zono, unu vojo" per kiu la ĉina registaro volas kunligi la landojn de la antikva Silka Vojo tra la tuta eŭrazia kontinento. Koincide, ke la ĉi-foja IFEF-kongreso fokusiĝas ĝuste al tiu ĉi temo.
Dum la inaŭguro oni laŭtlegis ricevitajn gratulajn mesaĝojn, i.a. tiujn de Mark Fettes kaj de LEE Jungkee, prezidanto kaj estrarano de la Universala Esperanto-Asocio respektive.
Oni rememorigis al la ĉeestantoj, ke la 1-a Ĉina Kongreso de Esperanto havis lokon en la urbo en 1985 – precize antaŭ 30 jaro. Malpli konata fakto, kiun oni tamen ne forgesis mencii, estas ke la unua internacia fervoj-linio de Ĉinio iam ekiris de Kunming. Temas pri la Yunnan-Vjetnama Fervojo, kiu ekfunkciis en 1910. Do la urbo Kunming estas intime ligita al Esperanto kaj al fervojoj, kaj la ĉi-foja duobla kongreso estas memorinda pro tio, ke ĝi kunligis ĉiujn tri kune.
Post tiu vico da salutoj la solenaĵo paŭzis dum kelka tempo, kaj la ĉeestantoj kolektiĝis por kunfotiĝo.
Yu Tao, vicprezidanto de ĈEL, faras raporton pri la laboro de ĈEL.
Duan Yongxing, prezidanto de LKK kaj direktoro de la Yunnan-a Arta Kolegio, en parolado
Rodica Todor, IFEF-prezidantino, en parolado
La posta duono de la malferma soleno, kiu komenciĝis per muzika prezento, alprenis laboran karakteron, kiam Yu Tao, vicprezidanto de ĈEL, faris la raporton de la laboroj de la organizaĵo dum la pasintaj du jaroj. Tamen la etoso fariĝis ne nur festa sed ankaŭ internacia, kiam la salutoj de la landaj reprezentantoj: salutis reprezentantoj de 10 landaj sekcioj de IFEF (Aŭstrio, Belgio, Bulgario, Ĉeĥio, Francio, Hispanio, Hungario, Italio, Rumanio kaj la gastiganta lando Ĉinio) kaj individuoj el 5 landoj (Hispanio, Japanio, Koreio, Litovio, Mongolio kaj Svislando) kaj reprezentanto de la Sennacieca Asocio Tutmonda.
Preskaŭ du-hora inaŭguro finiĝis per la kantado de "La Espero", kiun la kongresanoj kantis kune kun la koruso de la Profesia Artkolegio de Yunnan, kies rektoro estas la prezidanto de LKK.
Pli internaciaj kaj viglaj fakkunsidoj
Wang Ruixiang, vicprezidanto de ĈEL kaj gxia ĝenerala sekretario, voĉlegas salutmesaĝon de Mark Fettes, prezidanto de UEA.
Posttagmeze de la sama tago okazis pluraj fakkunsidoj. Unue havis lokon komuna kunsido de legantoj de El Popola Ĉinio kaj aŭskultantoj de la Ĉina Radio Internacia. Chen Ji, direktorino de la Esperanto-sekcio de EPĈ diskonigis la retejon de la retgazeto kaj ĝian platformon sur WeChat pere de belaj diapozitivoj kiujn ŝi mem pretigis. Sekve, Wang Fang, direktorino de la Esperanto-Redakcio de ĈRI, projekciis diversajn filmetojn kaj la Esperantan Filmfestivalon "Teo kaj Amo", kiun la redakcio ĵus sukcese okazigis en la urbo Hangzhou, orienta Ĉinio.
Gastoj sur la podio
Due kunsidis instruistoj, komercistoj, medicinistoj kaj konstantaj komitatanoj de ĈEL. En la unuaj tri kunsidoj ankaŭ ĉeestis parto de la partoprenantoj de IFEF-kongreso kaj kontribuis al la vigleco de diskutoj kaj ankaŭ al la internacieco.
En la fermo anonciĝis novaj komitatanoj kaj honoritoj
Kunfotiĝo de la gastoj kaj kongresanoj
Matene de la 18-a de majo, dum la fervojista kongreso ankoraŭ disvolviĝas, al la ĉina kongreso oni metis punkton per la ferma soleno. Dum la fermo oni anoncis, ke ĈEL ekhavas tri novajn konstantajn komitatanojn: Huang Yinbao, Wei Yubin kaj Jing Jiguo. Oni honorigis 8 Esperanto-Asociojn kiaj la Pekina Esperanto-Asocio, Ŝanhaja Esperanto-Asocio, Tianjin-a Esperanto-Asocio kaj aliaj 5 lokaj Esperanto-Asocioj. Krom 57 individuoj estis honoritaj per premio, ekz. Huang Yinbao, Wang Chongfang kaj aliaj 54 elstaraj esperantistoj.
Chen Shi, vicprezidanto de ĈEL kaj prezidanto de EPĈ, interparolas kun Romano Bolognesz, honora prezidanto de IFEF
Chen Shi, vicprezidantino de la Ĉina Esperanto-Ligo kaj prezidanto de EPĈ, faris resuman kaj konkludan paroladon por la tuta ĉina kongreso. Ŝi esprimis sian esperon, ke la ĉinaj esperantistoj plifortigos memlernadon, senĉese altigos sian memkultivadon, unuiĝos por la komuna celo kaj antaŭenpuŝos la Esperanto-movadon en Ĉinio.
Reprezentante la Lokan Kongresan Komitaton Duan Yongxing, prezidanto de LKK, prenis la parolvicon kaj dankis la partoprenantojn pro ilia subteno al la kongreso.
Plej laste estis anoncite, ke la venonta Ĉina Kongreso de Esperanto okazos en Changsha, Hunan-provinco en 2017.
- Kategorio: Novaĵoj
- Vizitoj: 1956
La kongresoj fervojista kaj ĉina en la urbo de la ĉiama printempo
Internacian Esperanto-kongreson Kunming jam gastigis en 2012: en tiu jaro la konferenco de la Internacia Ligo de Esperantistaj Instruistoj okazis en tiu ĉi urbo.
La temo de la fervojista kongreso, kiu daŭros ĝis la 23-a de majo, estas: "Esperanto kunligu la landojn de la Silka Vojo". Tiu de la ĉina kongreso, kiu jam finiĝis en la 18-a de majo, tekstas: "Retrorigardado kaj perspektivado – la Esperanto-movado eniras en la novan etapon". En tiu ĉi artikolo ni raportas ĉefe pri la ĉina kongreso, lasante detalojn pri la fervojista kongreso al alia artikolo aperonta.
La 16-an, sabate, la kongresanoj el diversaj partoj de Ĉinio kaj de la mondo alvenis al la kongresejo, registriĝis kaj vespere okazis la interkona vespero, kiu prezentiĝis diversaj prezentaĵoj de esperantistoj ĉinaj kaj eksterlandaj.
Plu informo: http://www.espero.com.cn/2015-05/18/content_35598030.htm
- Kategorio: Novaĵoj
- Vizitoj: 1656