Novaĵoj

Vespere de la 21-a de aprilo 2014, en la Profesia Arta Kolegio de Kunming ekfunkciis la esperanto-kurso, kiun partoprenis 120 studentoj el diversaj fakultatoj de la kolegio. En la sekva jaro ili lernos Esperanton.

    Inter la 16a kaj 23a de majo de la venonta jaro okazos en Kunming, Yunnan-provinco la 67-a IFEF-Kongreso kaj la 11-a Ĉina Kongreso de Esperanto. Por prepari la kongresojn kaj kulturi volontulojn la kolegio malfermis la kurson.

    S-ro Wang Minhao, prezidanto de la Ŝanhaja Esperanto-Asocio kaj Alessandra Madela, itala esperantistino, kiu laboras en la Media Fakultato de la Kolegio, gvidis la kurson. Spado, vicprezidanto de la Hubei-a Esperanto-Asocio, helpis ilin en instruado.

 

(Spado)

Fonto: El Popola Ĉinio - http://www.espero.com.cn/2014-04/22/content_32170922.htm

  La 20-an de aprilo okazis gazetara konferenco, en ĝi Liang Yang, proparolanto de la ĉina mararmeo, diris, ke en la 22-a de aprilo inaŭguriĝos la 14-a Mararmea Forumo de Okcidenta Pacifiko. La 8-landa komuna ekzercado estas unu el la programeroj de la ĉi-foja forumo kiu estos unuafoje organizita de Ĉinio laŭ la aktivado de la pasintaj forumoj, ĝi celas antaŭenpuŝi la praktikan kunlaboron inter la mararmeoj de diversaj landoj.

    La ĉefa programero de la ekzercado estos surmara savado, inkluzive de grupiga komuniko, laŭvica grupiĝo, surmara proviantado, kuna savado, kontraŭ-ostaĝiga kunago, malpez-armila pafado kaj tiel plu. Ĉinio, Pakistano, Indonezio, Singapuro, Hindio, Malajzio, Bengalio kaj Brunejo sume 8 landoj sendos ŝipojn, helikopterojn kaj marinfanteriojn kiuj ĉeestos al la ekzercado kiel komunaj ŝiparoj.

 

    Krome Liang Yang diris: "Ĉiuj scias, ke la seriaj malĝustaj agoj fare de la japana registaro forte vundis la ĉinajn popolanojn kaj grave ĝenis la rilatojn inter Ĉinio kaj Japanio. Nun ne estas ĝusta tempo por inviti la surmaran memdefendan forton de Japanio ĉeesti al la programero kiu koncernas la establan datrevenon de la ĉina mararmeo."

Redaktoroj : Su Yijun kaj Xie Ruifeng

Fonto: El Popola Ĉinio - http://www.espero.com.cn/2014-04/22/content_32166851.htm

 

  Origino: retpaĝaro de la Novaĵ-Agentejo Xinhua, Pekina Ĵurnalo kaj la Pekinaj Novaĵoj ktp.

Redaktoro: Wang Xinling

    En Pekino estas kiom da familioj, tiom da revoj, kaj kiom da beboj, tiom da mondetoj ĉirkaŭ ili. Iasence la influo de infanoj al la urbo estas pli granda ol la inversa. En la 21a de februaro Pekino komencis efektivigi la reviziitan naskopolitikon, tio estas, ke paro da geedzoj, unu el kiuj estas solinfano en sia familio, rajtas havi la duan infanon, tial pli da infanoj aldoniĝos al la urbo. Ĉu vi estas preta, Pekino?

    P 1

    Novnaskitoj en Pekino

    Grafikaĵo 1

    En la jaro 2007, 161 mil novnaskitoj, i. a. 77.7 mil kun registrita pekina loĝanteco

    En la jaro 2008, pli ol 170 mil novnaskitoj, i. a. 81 mil kun registrita pekina loĝanteco

    En la jaro 2009, 137 mil novnaskitoj, i. a. 89.3 mil kun registrita pekina loĝanteco

    En la jaro 2010, pli ol 170 mil novnaskitoj, i. a. 90.5 mil kun registrita pekina loĝanteco

    En la jaro 2011, pli ol 190 mil novnaskitoj, i. a. 110 mil kun registrita pekina loĝanteco

    En la jaro 2012, 220 mil novnaskitoj

    En la jaro 2013, pli ol 220 mil novnaskitoj

    Grafikaĵo 2

    Laŭ la informoj publikigitaj de la Pekina Komisiono pri Loĝantaro kaj Familia Planado, 60-70% da geedzoj en la urbo, kiuj respondas al la nova naskopolitiko, volas havi la duan infanon. En la periodo de la jaroj 2014 ĝis 2018 la nombro de novnaskitoj ĉiujare kreskos je 40 mil ĝis 50 mil, kaj post la jaro 2019 ĉiujare aldoniĝos pli ol 400 mil novnaskitoj.

    P 2

    Naski aŭ ne naski?

    Kaŭzoj por nasko de la dua infano:

    1. Akompani la pli aĝan infanon por ke li aŭ ŝi ne estu soleca

    (Klaku: solinfano, kiu kreskas sen akompanato, estas malproksima de la frateco, kaj perdas la ŝancon lerni unu de la alia, kaj tio estas granda perdo de afineco.)

    2. Dividi riskojn

(Klaku: en julio de 2012 Peng Yuhua, vicdirektoro de la komisiono, diris, ke en Pekino estas 3.9 mil paroj da geedzoj, kiuj perdis siajn solinfanojn, kaj tio rilatas al 7.746 mil personoj. La koncernatoj estas dividitaj en du specojn: urbanoj, plejparte havantaj siajn pension kaj vivtenan sekurecon post emeritiĝo, kaj kamparanoj sen sekureco de vivteno. Tamen ambaŭ estas afliktitaj.)

    3. Peza ŝarĝo de solinfanoj por prizorgo de la gepatroj

    (Klaku: la Ĉina Junulara Ĵurnalo faris enketon pri solinfanoj, kiuj prizorgas siajn gepatrojn. La rezulto montras, ke 74.1% de la enketitoj sentas grandan premon de la laboro kaj havas nek tempon nek energion por prizorgi siajn gepatrojn; 68.4% de ili devas prizorgi plurajn maljunulojn; 50.1% loĝas for de siaj gepatroj kaj ne povas prizorgi ilin; 37.7% ne tute kredas la sociajn servojn al maljunuloj.)

    Opinio kontraŭ nasko de la dua infano:

    1. Duobla elspezo de energio kaj mono

    (Klaku: kiom da mono oni elspazas por la infano de naskiĝo ĝis maturiĝo? La disertaĵo "Ekonomia Kosto de Infanoj: Struktura Ŝanĝiĝo kaj Optimumigo en la Transira Periodo" verkita de la sociologo Xu Anqi, rimarkigas, ke laŭ kalkulo de la rekta kosto, oni ĝenerale elspezas por unu infano de la naskiĝo ĝis la aĝo de 16 jaroj entute 250 mil juanojn, kaj eĉ 480 mil juanojn se ĝis ilia universitata kaj supera studado. Tio estas tutlande averaĝa elspezo, kaj en Pekino la elspezo estas multe pli granda.)

    2. Por la dua akuŝo virinoj bezonas denove pli ol unu jaron, kaj tio influas ilian karieron.

    (Klaku: naski bebon bezonas ripozon de almenaŭ kvar monatoj, kaj estas ĝenata pli longa laboro. La retpaĝaro Sohu faris enketon al 1.3 mil ĉinaj patrinoj, kaj 77.27% de ili pensas, ke estas malfacile reveni al la laboro.)

    3. La loĝejo ne estas sufiĉe granda

    (Klaku: post komenciĝo de la reviziita naskopolitiko, triĉambraj apartamento estas multe atentataj. Laŭ statistikoj de dom-merkato en la jaro 2013, novaj apartamentoj estis aĉetitaj je la prezo de 23.616 mil juanoj po kvadrata metro, kaj malnovaj apartamentoj je la prezo de 29.122 mil juanoj po kvadrata metro.)

    4. Geavoj ne kapablas prizorgi la duan nepon

    (Klaku: laŭ nekompletaj statistikoj, geavoj el 50% de ĉinaj familioj prizorgas siajn genepojn; kaj en Pekino la kvanto kalkuliĝas al 70%.)

    5. Malaltiĝo de vivokvalito

    P 3

    Ĉu Pekino estas preta por pli da novnaskitoj?

    Ĉiujare pekinaj hospitaloj kapablas servi por 260 mil akuŝoj.

    La akuŝokvanto en la lastaj tri jaroj

    191 mil en la jaro 2011

    224 mil en la jaro 2012

    216 mil en la jaro 2013

    Litoj en obsterik-sekcioj de diversnivelaj hospitaloj en Pekino

    Entute 4 466

    Ĉiu lito povas ĉiujare servi al 60 akuŝantinoj.

    Tiuj litoj povas ĉiujare servi por 260 mil akuŝoj.

    Hospitaloj de la nivelo A havas 1 478 litojn.

    Hospitaloj de la nivelo B havas 2 835 litojn.

    Hospitaloj de la nivelo C havas 135 litojn.

    65% da infanĝardenoj estas publikaj en Pekino.

    En la jaro 2013 troviĝis en Pekino 1 530 infanĝardenoj, interalie 65% estis publikaj.

    Kulmino de lernej-vizito

    En Pekino ĉiujare 100 mil infanoj komencas viziti element-lernejojn en sinsekvaj dek jaroj antaŭ la jaro 2010; en la jaro 2012 la nombro kreskis ĝis 137 mil; pro pli da novnaskitoj en la dua duono de la jaro 2007 kaj en la jaro 2008, pli ol 180 mil infanoj prognozite vizitos elementlernejojn en la kuranta jaro.

    "Trijara agadplano de Pekino pri konstruado de elementaj kaj mezaj lernejoj (2012-2014)" proklamita kaj ekplenumita en la jaro 2012 havas la celon mildigi premon de la kulmino de lernej-vizito per konstruado, renovigo kaj plivastigo de 200 elementaj kaj meznivelaj lernejoj kaj aldono de 160 mil sidlokoj.

    P 4

    Ĝemelaj beboj -- alia bonŝanco

    P 5

    Ŝanĝiĝo de la loĝantaro en 60 jaroj

    En la jaro 1949 troviĝis en Pekino 4.2 milionoj da konstantaj loĝantoj.

    Inter la jaroj 1950 kaj 1960 la ĉina loĝantaro rapide kreskis. Dum 11 jaroj la konstanta loĝantaro kreskis je 3.195 milionoj da homoj, kun la jara kresko de 290 mil, kaj en la jaro 1960 la loĝantaro kalkuliĝis al 7.396 milionoj, interalie plejparte estis enmigrintoj: funkciuloj kaj oficiroj en la centraj registaraj organizoj, kaj la armeo kaj iliaj familianoj, kiuj loĝas en grandaj kortoj. Tial la duageneraciaj enmigrintoj estis nomataj "posteuloj de grandaj kortoj". Iliaj rakontoj legeblas aŭ aŭdeblaj en pekin-stilaj verkoj, ekzemple en la filmo Sunplenaj Tagoj reĝisorita de Jiang Wen.

    Inter la jaroj 1961 kaj 1970 la kresko de la loĝantaro estis malplej rapida. Dum dek jaroj la jara kresko restis 45 mil, kaj ĝis la jaro 1970 la konstanta loĝantaro estis 7.843 milionoj da homoj. Pro la kampanjo, ke la gejunuloj iru al la kamparo, granda nombro da junaj loĝantoj iris el Pekino, kaj ankaŭ pro manko de nutraĵoj, malrapidiĝis la kresko de la loĝantaro.

    Inter la jaroj 1971 kaj 1978 resaltis la kresko. Pro efektivigo de la politiko pri naskolimigo, la natura kresko de la loĝantaro iomete reduktiĝis. En la jaro 1978 la konstanta loĝantaro kalkuliĝis al 8.715 mililonoj da homoj. En la 1970aj jaroj la gejunuloj ĵetitaj en la kamparon hejmenrevenis je diversaj pretekstoj. Ĝis la malfruaj 1970aj jaroj la loĝantaro evidente kreskis.

 

    Inter la jaroj 1979 kaj 1990 la loĝantaro stabile kreskis. En la jaro 1990 la konstanta loĝantaro en Pekino kalkuliĝis al 10.86 milionoj da homoj. Dume la ekonomio stabile disvolviĝis, kaj la kvanto de la loĝantoj normale pliiĝis sen granda fluktuo. Tamen pro grandiĝo de la loĝantara bazo kaj plilongiĝo de la vivdaŭro, aperis la tendenco de rapida kresko de la loĝantaro.

    Inter la jaroj 1991 kaj 2004 draste pliiĝis la nombro de novaj enmigrintoj. Ĝis la jaro 2004 la konstanta loĝantaro kalkuliĝis al 14.927 milionoj da homoj. Enmigrintoj okupis 63% de la loĝantaro.

    Post la jaro 2004 la loĝantaro proksimis al saturiĝo. Ĝis la fino de la jaro 2013 la konstanta loĝantaro en Pekino kalkuliĝis al 21.148 milionoj da homoj, interalie 8.027 milionoj da loĝantoj, aŭ 38% el ili, estis enmigrintoj.

(Redaktoro: Liu Zijia)

Fonto: El Popola Ĉinio - http://www.espero.com.cn/2014-04/10/content_32053416.htm 

 Ĝenerala stato de Konfuceaj Institutoj en la mondo

    La tiel nomata Konfucea Instituto ne estas supera lernejo en la ĝenerala senco de la vorto, sed institucio de kultura interŝanĝo kaj popularigo de la ĉina lingvo kaj ĉina kulturo. Ĝi estas institucio neprofitema por komuna bonstato. Ĝenerale ĝi estas asociata kun alilandaj universitatoj aŭ akademiaj institucioj. La plej grava tasko de la konfuceaj institutoj estas doni modelajn kaj aŭtoritatajn ĉin-lingvajn lernolibrojn. Ilia ĉefsidejo estas en Pekino, kies ŝildo estis senvualigita oficiale la 9-an de aprilo, 2007. Kaj ĉiuj aliaj konfuceaj insitutoj ekster Ĉinio estas ĝiaj branĉoj, kiuj funkcias kune de Ĉinio kaj aliaj landoj. Estas bone konate, ke Konfuceo estas reprezenta persono de la tradicia ĉina kulturo, tial oni decidis fari la nomon de Konfuceo marko de la instruado de la ĉina lingvo. Ĉi tie kaj ankaŭ en la subaj tekstoj la tiel nomata ĉina lingvo estas han-lingvo, la nacia lingvo de hanoj, la ĉefloĝantoj de Ĉinio, sed ne iu alia naciminoritata lingvo. Por popularigi la ĉinan lingvon la ĉina registaro fondis en 1987 nacian gvidgrupon por instruado de la ĉina lingvo eksterlande, kiu nomiĝas ankaŭ ĉinlingva oficejo. La Konfucea Instituto ja estas gvidata kaj aranĝita de ĝi laŭ la gvida principo de la ideo de Konfuceo, ke paciĝo estas plej grava kaj nobla teorio kun la celo teni la mondon en eterna paco kaj kuna prospero.

  Chen Shanben, profesoro de la ĉinlingva fakultato de Brit-Kolombia Universitato estas la unua iniciatino de nia projekto. Ĉinaj gvidantoj donis grandan atenton al la ŝildo-senvuliga ceremonio de la konfuceaj institutoj. Ili persone ĉeestis tian ceremonion de multaj institutoj. Jam en 2009 Xi Jinping, la tiama vicprezidanto de la Ĉina Popola Respubliko, persone ĉeestis la ceremonion 3-foje. Nun oni povas diri, ke la plej fama marko de Ĉinio ne estas vestoj, ŝuoj, nek TV-aparatoj, nek aŭtomobiloj kun ia ajn marko, sed la tradicia ĉina kulturo kaj ĝia lingvo. Novembre de 2004 Konfucea Instituto la unua en la mondo naskiĝis kaj nun tiaj institutoj jam nombras 440 kun 850 mil lernantoj en la 7-a de decembro 2013. Ili funkcias nun en 120 landoj kaj regionoj.

    Ĉar la konfuceaj institutoj troviĝas en malsamaj lokoj, tial ili sin administras ĉiu laŭ sia propra maniero, sed kun unu sama celo, t.e. disvastigi la ĉinan tradician kulturon.

    Influate kaj iniciate de la konfuceaj institutoj iom post iom entuzismiĝis la fervoro por lerni la ĉinan lingvon. En 2012 Britio, Svedlando, Irlando kaj pluraj aliaj landoj sankciis registaran dekreton kaj listigis la instruadon de la ĉina lingvo en la sistemo de la nacia edukado kaj post tio ankaŭ aliaj pli ol 40 landoj faris la saman decidon.

    Naskiĝis la unua transmara centro de konfuceaj institutoj en Usono

    La 20-an de novembro, 2013. la unua transmara centro de konfuceaj institutoj naskiĝis en Vaŝingtono, ĉefurbo de Usono. S-ino Liu Yandong, vicĉefministro de la ŝtata konsilantaro de la Ĉina Popola Respubliko, kiu faris ofican viziton tie, persone senvualigis la ŝildon de la instituto kaj ĉeestis la fondan inaŭguron, kiu signifas mejlŝtonon de la evoluo de la institutoj en transmaraj regionoj.

 S-ro Yuan Guiren, ministro de edukado de Ĉinio, faris paroladon.

    El lia parolado ni informiĝis, ke pro la rapida disvolviĝo de la konfuceaj institutoj en la pasintaj jaroj oni renkontis multajn malfacilojn en la funkcio de la institutoj pro ilia tro ofta kontaktato kaj raporato al la Pekina ĉefsidejo, tial vicministrino Liu Yandong sankciis fondon de la regiona centro de la konfuceaj institutoj en Usono, tial post duonjara intensa preparado finfine oficiale komencis sian laboradon la nomita centro. Tio plifaciligos nian laboron, dank' al kio oni povas pli facile konigi al la usonanoj nian instituton, faciligi la interŝanĝon de la konfuceaj institutoj kun la usonaj kolegoj kaj kune dividi la koncernajn informojn cele levi la nivelon kaj kvaliton de la ĉin-lingva instruado.

    Konfuceaj institutoj en Usono 

Antaŭe la kultura interŝanĝo inter Ĉinio kaj Usono estis tre malvasta, ĉi tie ni ne parolu pri tio en la malproksima estinteco, kaj eĉ en la 70-jaroj de la pasinta jarcento la ĉin-lingva instruado estis nur en kvartaloj loĝataj de ĉinoj. Sed de post la fino de la 70-aj jaroj de la 20-a jarcento la ĉina kulturo multe asimilis la esencojn de aliaj kulturoj, kaj dume per pli kaj pli memfidaj paŝoj sin direktis ekster la ĉina teritorio. La konfuceaj institutoj prospere disvolviĝis en Usono kaj estas vizitataj de multaj usonanoj. En 2004 la unua konfucea instituto ekfunkciis en la Universitato de Marilando, Usono kaj hodiaŭ la konfuceaj institutoj jam nombris pli ol 40 en Usono. La Konfucea Instituto sin okupis ne nur pri instruado de la ĉina lingvo, sed ankaŭ pri trejnado de ĉinlingvaj instruistoj kaj krom tio ili energie propagandas la tradician kulturon de Ĉinio kaj pri ĝia doktrino, paciĝo, kerno de la ĉina kulturo.

    En Usono la Konfuceaj institutoj ĝenerale funkcias en famaj universitatoj, tiel ke la instrua nivelo estas kompare alta kaj povas rekte influi la ĉefan socian parton de Usono. Oni diris, ke 70% de la dungitoj de la ŝtataj organoj de la Usona registaro vivas en Marilando, tute proksime de la ĉefurbo de Usono, Vaŝingtono kaj multaj ĝiaj lernantoj de la konfucea instituto de la ŝtato Marilando estas dungitoj de la registaro.

    Koncerne la lernigadon, la konfuceaj institutoj alprenis malsamajn rimedojn tute laŭ lokaj kondiĉoj cele kontentigi la bezonon de diversaj socitavoloj en la lernado. La konfucea instituto en Nov-Jorko efektivigis la instruadon per geknabaj lerniloj de la ĉina lingvo. La konfucea instituto en Ĉikago faras instruadon al mezlernejanoj kaj eĉ faras instruadon al la ĉin-devenaj geknaboj adoptitaj de usonanoj kaj iliaj adoptaj gepatroj. Estas en Usono ankaŭ ludoj sur la retoj, kiuj ekscitas grandan fervoron en la lernado de la ĉina lingvo de multaj junaj homoj.

    Por kontentigi la bezonon de usonanoj, kiuj deziras fari mallongtempan vojaĝon en Ĉinio kaj intencas fari komercadon tie, la Konfucea instituto planas malsamajn lernobjektojn por ke post la lernado ili konu la ĝeneralajn statojn de la ĉina historio kaj ĉinan kulturon.

    Krom la lernigado de la ĉina lingvo la konfuceaj institutoj en Usono faras ankaŭ apartajn kursojn pri malsamaj temoj, ekz. pri la paciga doktrino de la ĉina registaro, pri la ekonomia stato de Ĉinio. Ili faras ankaŭ tagojn de malferma aktivado, ekz ĝuado de la ĉina muziko, gustumado de famaj ĉinaj etmanĝaĵoj, somerumado de geknaboj laŭ ĉina maniero.

    Eŭropo en konkurso de funkciigado de Konfuceaj Institutoj

    Jam en februaro de 2005 aperis en Eŭropo la unua konfucea instituto en Stokholmo, Svedio, tio estis la ĉinlingva fakultato en la Universitato de Stokhomo.

    En la malferma ceremonio ĉiuj ĉeestantoj flue parolis en la ĉina lingvo kaj intervjuate preskaŭ ĉiuj ĉeestantoj demandis: "Ĉu vi volas mian nomon en la ĉina lingvo?"

 Estis vere emocia tago por ĉiuj svedoj, kiuj lernis la ĉinan linvon.

    Direktoro de la Konfucea Instituto en Norda Eŭropo, kaj estro de la ĉinlingva fakultato de la Universitato de Stokholmo diris: "Naskiĝo de la Konfucea Instituto en la Norda Eŭropo estas grava evento en la historio de Svedio kaj Ĉinio en ilia kultura kaj akademia interŝanĝo. Li diris, ke Konfuceo estis granda instruisto en la monda historio kaj en la estonteco la Konfucea Instituto energie laboros por disvastigi la ĉinan lingvon kaj ĉinan kulturon en la Norda Eŭropo."

    Oni diris, ke Svedio estas la unua lando, kiu havas la Konfucean instituton en Eŭropo, ĉar Svedio havas bonan tradicion de studo de la ĉina lingvo kaj plie la Universitato de Stokholmo multe atentas tiun problemon kaj oni povas diri, ke tie la kondiĉoj por tiu laboro estas tre bona. Tuj post tio ankaŭ Belgio, Francio kaj Germanio volis fondi la instituton. Li diris, ke laŭ lia opinio, Ĉinio, same kiel Germanio, kiu multe zorgas pri la Goeta Instituto, alte atentas disvastigon de sia kulturo tra la tuta mondo.

    Hodiaŭ en la tuta Svedio estas pli ol 500 lernantoj de la ĉina lingvo kaj sole en la Universitato de Stokholmo estas 100 lernantoj. Nun ĉiujare ĝi akceptas 40 lernantojn, sed iafoje la sinanoncantoj superis 400, sed pro nesufiĉo de instruantoj kaj financaj rimedoj ne ĉiuj ili povas havigi al si tiun ŝancon.

 Oni diris ankaŭ ke la Fudan-Universitato de Ŝanhajo, Ĉinio, plenforte helpas la Stokholmon en tiu afero. Ĝia rektoro diris, ke ekde 2005, kiam Stokholmo ekhavis sian Konfucean Instituton la Fudan-a de tempo al tempo sendis fakulojn al Svedio por fari lekcion, okazigi diversajn konkursojn de konversacio en la ĉina lingvo kaj mallongan kurson en la ĉina lingvo por la svedaj entreprenistoj.

    La 6-an de februaro, 2012 en Edinburgo, Britio, okazis kuna konferenco de Konfuceaj Institutoj en Eŭropo, kiu vaste diskutis pri la programo de disvolvo de la Konfuceaj institutoj, takso de instruado kaj studo de la ĉina lingvo. La konferencon ĉeestis direktoroj de 75 konfuceaj institutoj ĉinaj kaj alilandaj el 26 landoj kaj delegitoj de la Pekina Universitato, Fudan-universitato, Ĉina Popola Universitato kaj Pekina Fremdlingva Universitato kaj aliaj 11 universitatoj, kiuj kunlaboras kun la eŭropaj en tiu laboro. Altrangulo de Skotlando diris en la konferenco, ke nun la konfuceaj institutoj jam funkcias kiel fenestro por koni Ĉinion. Li diris ankaŭ, ke oni devas konigi, ke la tiel grandnombraj Konfuceaj insitutoj estas funkciigataj kune de eŭropaj landoj kaj Ĉinio por kontentigi la bezonon de eksterlandanoj en ilia kono de Ĉinio kaj lernado de la ĉina lingvo.

    Jam en la fino de aprilo de 2012 funkciis 129 konfuceaj institutoj en 34 eŭropaj landoj, kie la registritaj lernantoj jam superis 90 mil.

    En 2005 la unua konfucea instituto aperis en Britio kaj de tiam la institutoj rapide disvolviĝis kaj nun en Britio funkcias jam 19 tiaj institutoj. En 2008 aperis la unua ĉin-medicina konfucea instituto en Londono, kiu markis burĝonon de la komerca konfucea instituto en la tuta mondo.

    Konfuceaj institutoj en Afriko

    En Pekino, se vi sidas hejme kaj post vespermanĝo ĝuas la belajn programerojn elsendatajn de CCTV, vi povas ofte vidi kaj aŭdi la fluan konversacion en la ĉina lingvo, inter la konversaciantoj ne mankas eksterlandanoj, el kiuj estas pluraj afrikanoj. El ili bone konataj estas Bonaj Fratoj Haoge kaj Haodi. Ili bele kantas en la ĉina lingvo, kaj se vi vojaĝas al Afriko, vi povas renkonti pli multajn tiajn afrikanojn, ne nur en la norda Afriko, sed ankaŭ en suda Afriko.

Konfuceaj institutoj nun funkcias ne nur en Egiptio, sed ankaŭ en Kenjo, Sud-Afriko, Madagaskaro, Malio, Rvando, Zimbabvo, Kamerunio kaj aliaj landoj.

    Sa Dequan, ĉina direktoro de la konfucea instituto sub la Universitato de Nairibio, diris, ke antaŭ tri jaroj, kiam li atingis la afrikan teron, li bone sciis, ke la universitato de Nairobio estas fama alta lernejo tra la tuta Afriko, tamen tie aŭdiĝis tre malmulte lekcio de la ĉina lingvo pro manko de instruistoj kaj lernolibroj. Tiam akompanis lin ege multe da enuoj kaj malfaciloj, sed en la pasintaj 3 jaroj dank' al la laboro peniga, liaj karieroj atingis rimarkindan progreson, kaj sole en la Nairobia Universitato la lernantoj jam superis pli ol cent kaj la lernigado ampleksas devigan, nedevigan. licencian kaj trejnan kursojn. Nun jam funkcias 21 konfuceaj instituoj en 16 afrikaj landoj.

    Fama Stellenborsch-Universitato, Sud-Afriko, kunlabore kun la Pekina Universitato fondis Esplor-centron pri Ĉinio, kiu la unua sur la Afrika Kontinento, entreprenas pri studo de la ĉinaj problemoj. Studentino de la Konfucea Instituto de la Nairobia Universitato, servanta en la kuna konferenco altris miajn okulojn. Per klara kaj flua ĉina lingvo, ŝi diris, ke ŝi lernis la ĉinan lingvon jam jaron kaj duonon. Ŝi diris, ke lernado de la ĉina lingvo multe interesis ŝin. Sed kiam mi laŭdis ŝian klaran parolon. Tiu juna knabino fariĝos modesta kaj honteta. Ŝi haste respondis: "Via laŭdo estas tro alta!"

La Konfuceaj Institutoj nun prosperas tra la tuta mondo. Ili, kiel simbolo de la pacama ĉina popolo jam enradikiĝis en la koro de la tutmondaj popolanoj kaj ludas pli kaj pli grandan rolon en la kultura interŝanĝo de la ĉina popolo kun la eksterlandanoj. Kun la monda evoluo ni ja firme kredas, ke Ĉinio bezonas la mondon kaj ankaŭ la mondo bezonas Ĉinion.

Redaktoro: Chen Ji

 Fonto: El Popola Ĉinio - http://www.espero.com.cn/2014-04/02/content_31982185.htm 

 

 La 9-an de aprilo okazis en Pekino ceremonio por lanĉi la Premion por Estontaj Urboj de 2014 kune organizita de la Ĉina Internacia Centro por Ekonomia Interŝanĝo kaj la Usona Fondaĵo Paulson.

    La Fondaĵo Paulson fondita de Henry Paulson en la jaro 2011 estas cerbaro sub la gvido de la Universitato de Ĉikago. La Premio por Estontaj Urboj estis lanĉita en la jaro 2013 por honorigi kreivajn projekton aŭ planon, kiu povas akceli stabilan kaj sanan disvolvadon de ekologio kaj povas esti grandskale disvastigita aŭ kopiita. Ĝi akcelos esploradon de Ĉinio pri disvolvo de novtipa urbanizado. La neregistaraj organizoj kaj entreprenoj, kaj aliaj institucioj, kiuj havas projekton pri daŭrigebla disvolvo de ĉinaj urboj, povas peticii la premion.

    Laŭ konigo, la peticiado de la premio finiĝos en la 16-a de majo. En septembro la juĝistaro de la premio ĉeloke esploros elektitajn projektojn kaj novembre okazos en Pekino ceremonio por disdoni la premion. Tio estas la dua fojo por Ĉinio kaj Usono kunlabore lanĉi la premion. La Premio por Estontaj Urboj de 2013 estis disdonita al la projekto de la kompanio Shihe pri la nova kamparo en Jiaxing de Zhejiang.

 

Redaktoroj: Zhang Shuang kaj Niu Xueqin

Fonto: El Popola Ĉinio - http://www.espero.com.cn/2014-04/11/content_32055879.htm

 

 El Popola Ĉinio (http://www.espero.com.cn/) estas Esperanta retejo, kiu dissendas informojn pri socio, kulturo kaj ekonomio de Ĉinio kaj ankaŭ Esperanto-movado.

    Nun nia redakcio intencas engaĝi fremdlandan e-istan redaktoron, kiu plenumos laboron verki artikolojn, redakti kaj lingvopoluri artikolojn de la retejo. La kondiĉoj por kanditatiĝi al la posteno estas, ke li aŭ ŝi devas esti malpli-ol-50-jara, havi klerecon de supera lernejo, posedi relative altan nivelon de Esperanto, esti sperta en redaktado kaj havi scion de la ĉina kulturo. Aparte bonvena estas tiu, kiu profesie okupiĝas pri historio, sociologio kaj literaturo. Por faciligi la vivon en Ĉinio ni preferas, ke la dungoto povas paroli en la ĉina aŭ angla lingvo.

    Kiu interesiĝas pri la posteno, bonvolu sendi materialojn inkluzive de nomo, sekso, aĝo, ŝtataneco, loĝ-loko, intereso, profesio, esperantista kariero, eduka diplomo, kaj esperantaj verkoj al nia retpoŝto: Tiu ĉi retpoŝtadreso estas protektata kontraŭ spamrobotoj. Vi devas ebligi Ĝavaskripton por vidi ĝin.

 

Redaktoro: Chen Ji

Fonto: El Popola Ĉinio - http://www.espero.com.cn/2014-03/28/content_31931882.htm

 

  La 26an de marto en Kuala-Lumpuro malajzia ĉefministro Najib Razak renkontiĝis kun Zhang Yesui, speciala sendito kaj vicministro pri eksteraj aferoj de Ĉinio.

    Zhang diris, ke depost la malapero de la malajza aviadilo ĉinaj gvidantoj atenteme observas disvolviĝon de la okazaĵo kaj zorgas pri la sekureco de homoj, inkluzive de 154 ĉinaj civitanoj, en la aviadilo; ili instrukciis, ke koncernaj ĉinaj departementoj strikte kunlaboru kun Malajzio por la serĉado kaj enketo. Jam pasis 19 tagoj, kaj la plej urĝa tasko ankoraŭ estas serĉado; Ĉinio pli forte serĉos plu kaj esperas, ke Malajzio fortigos komunikadon kun ĝi kaj efektive liveros al ĝi ĉiujn informojn kaj atestojn pri la konkludo, ke la flugo MH370 "finiĝis" en suda Hindia Oceano, kaj ke Malajzio kunordiĝos kun rilataj landoj por plua serĉo kaj konsolos parencojn de la pasaĝeroj.

    Najib Razak dankis Ĉinion pri subtenoj kaj helpoj al traktado de aferoj pri la malaperinta aviadilo, kaj promesis, ke Malajzio klopodos por liveri ĝustatempe ekzaktajn informojn al Ĉinio, koncentros fortojn al serĉado en rilataj akvoj de suda Hindia Oceano, kaj plenforte konsolos parencojn de la pasaĝeroj.

    Samtage Zhang renkontiĝis ankaŭ kun Hishammuddin Hussein, defenda ministro kaj aganta ministro pri transportado, Tan Sri Md Nor Md Yusof, prezidanto de la Malajza Aerkompanio kaj Ahmad Jauhari Yahya, ĝenerala direktoro de la aerkompanio.

 

(Redaktoroj: Zhao Xi kaj Liu Zijia)

Fonto: El Popola Ĉinio - http://www.espero.com.cn/2014-03/28/content_31931482.htm

 

 La 26-an de marto, dum la vizito de Xi Jinping, prezidanto de Ĉinio, en Francio, la franc-lingva versio de la libro pri la establo de la diplomatiaj rilatoj inter Ĉinio kaj Francio estis oficiale eldonita en Parizo, kaj samtempe okazis la koncerna ceremonio en la Ĉin-kultura Centro de la urbo. La libro estas kune eldonita de la franca eldona grupo Hachette kaj la ĉina eldona grupo Anhui.

    Ling Li, vicestro de la 3-a Administracio sub la Informa Oficejo de la Ŝtata Konsilantaro de Ĉinio, faris parolon en la nomo de Cai Mingzhao, direktoro de la nomata oficejo: "La eldono de la libro estas frukto de la plenfortaj kunlaboroj inter Ĉinio kaj Francio." Lastajare, la ĉina eldona rondo ne nur multigis la tradukojn pri francaj klasikaj verkoj, sed ankaŭ enlandigis multajn verkojn de nunaj francaj verkistoj, tio akiris bonan resonon de ĉinaj legantoj. Kaj nun ankaŭ pli kaj pli multaj ĉinaj libroj eniris en Francion.

    La libro klarigis al la publiko la historian fonon de la establiĝo de la diplomatiaj rialtoj inter la du landoj, reprezentis la tutan procezon de montriĝoj de la ambaŭflankaj voloj, dulandaj intertraktadoj, establaj anoncoj, reciprokaj sendoj de ambasadoroj kaj traktadoj de kelkaj gravaj aferoj post la rilata establo. Ĝi estas sukcesa verko kiu ĉiuflanke montris ĉi tiun grandan aferon kun historieco. Huang Qinghua, aŭtoro de la libro, estas profesoro de la Ĉina Akademio pri Sociaj Sciencoj. Li trifoje vizitis Francion, faris duonjaran studadon kun multfojaj intervjuoj en la lando kaj speciale iris al la insulo Taiwan por serĉi dokumentojn. Fine li akumulis pli ol dekmil unuamanaj materialoj, 90% inter ili estis neniam publikigitaj.

 

Redaktoroj : Su Yijun kaj Xie Ruifeng

Fonto: El Popola Ĉinio - http://www.espero.com.cn/2014-03/28/content_31931087.htm