 | La eŭropaj parlamentanoj Morganti kaj Rossi (el la itala partio “Norda Ligo ”) dum intervjuo ricevita de la asocio “Nitobe” (http://www.nitobe.it/eo/) kondamnis la elekton de trilingva sistemo por eŭropaj patentoj. |
Ambaŭ parlamentanoj favoras la proponon de “Nitobe” pri kreado de fonduso financata de tiuj ŝtatoj, kies lingvo estos favorata, sed Rossi substrekas, ke «tio neniam okazos pro la aroganta konduto de Francujo, Germanujo kaj Granda Britujo».
«Adopto de Esperanto dezirindas», laŭ la du parlamentanoj, kaj pri tio ŝtatoj povus trovi ĝeneralan interkonsenton.