La naskiĝo de Sardenglish
Plia “big business” je mil milardoj de British Council
Daŭras plue la alkulturiga agado de la malnova kontinento fare de la bonŝancaj posedantoj de la nuntempe nepre necesa interkomunikilo. Sen la angla fakte ŝajnas nun tre malfacile kompreniĝi ne nur inter fremduloj sed ankaŭ inter samlandanoj, tiom disvastigitaj estas ja anglaj vortoj, kiuj, iom pro realaj terminologiaj postuloj sed multe pli ofte pro mensa pigreco aŭ elmontrado, trapunktas eŭropajn lingvojn. Tion tre bone komprenis la Riformatori Liberal Democratici Sardi (Liberaldemokrataj Reformistoj de Sardinio) kiuj volas esti avangardaj en procezo de angligo de Europo per Projekto SANDEGNA SPEAKS ENGLISH, sub la ŝildo de Union Jack, kiel nomiĝas la flago de Britujo, kun en la centro la sarda simbolo kun 4 nigrulaj kapoj.
Tion komunikas Prof.ro Marcello de Giovanni, docento pri Historio de itala lingvo ĉe la Universitato de Chieti (Italio) kaj subtenanto de Komitato “Allarme lingua” por defendo de lingvoj kaj kulturoj: “Oni faras chion por akceli anglusonigon de la mondo. Ne sufichas lernado de la angla dum alfabetumo! Oni ne mirus se por konkeri ankau la plej rezistajn homojn oni utiligus ech subliminalajn rimedojn. Lau chi vojo oni baldau atingos senrevenan punkton, kiel asertas multaj lingvistoj kiuj antauvidas la malaperon au drastan senvalorighon de kulturaj lingvoj (escepte de la angla) en la dauro de 50 jaroj.”
Prezentante la projekton la grupestro de Reformistoj en Regiona Konsilio deklaris:”Temas pri konkludo de pli ol trijara laboro kiu ekiris de la konvinko ke la utiligo flanke de chiuj sardoj de la angla kiel komunikilo povas esti la definitiva shultropusho por disfaligi la fizikajn kaj kulturajn barilojn kiuj disigas Sardinion de la restanta mondo.”
Taskita pri la kondukado de la projekto estas “Autoritato pri la Angla” kreita che la Prezidanteco de la Regiono kaj subtenita de British Council. La proponita investo (tute ne timante kritikojn” tekstas en la komuniko) estas 1.000 miliardoj de manovaj liroj (€ 500 milionoj). En februaro okazos pluraj manifestacioj por apogi la projekton kaj oni invitas gravulojn el politika, kultura kaj entreprena medioj al subskribo de manifesto pri subteno de la iniciato.
“Antau kelkaj jaroj- diras Profesoro De Giovanni- la tiama prezidanto de British Council, Sir Charles Troughton, parolante pri instruado de la angla eksterlande, agnoskis ke milionoj da homoj ne sukcesas lerni lingvon tiel kompleksan kiel la anglan kaj ke por internaciaj rilatoj estas spaco ankau por esperanto, lingvo multe pli facila. Tamen vershajne la nunaj instruaj rimedoj estas tiom plifajnigitaj ke ili igas la anglan tauga por chies lernokapablo.”
Fakte la programo estas direktita al chiuj sardoj, de la turismaj agantoj en Costa Smeralda ghis silentemaj loghantoj de Barbagia. Kaj ankau por plifortigi la financojn de la popolo de Albiono. (gb)