Novaĵoj

Laŭ decido de la Estraro de UEA, la 99-a Universala Kongreso en Bonaero, Argentino, traktos la temon "Ĉu la nepoj nin benos? Streboj al daŭripova estonteco". Interalie, tiu temo markos la finon de la Monda Jardeko de Edukado por Dauripova Evoluo (2005-2014), sub aŭspicio de Unesko.

{AC}

"Ni esperantistoj ja laboras por 'la nepoj', t.e. por la venontaj generacioj, lau la vortoj de Zamenhof en 'La espero'", komentas d-ro Mark Fettes, la prezidanto de UEA. "Sed niaj nepoj vivos en monda socio kiu devas solvi multe pli da problemoj, ol nur la lingvan. Esplori la ligojn inter tiuj streboj kaj la nia, tio estas la celo de la tema programo."

ACBR
Kerne en la koncepto de dauripova evoluo troviĝas la konservado de kultura kaj lingva diverseco, akompane al la biologia-ekologia diverseco. Tiu aspekto de la kongresa temo certe ricevos atenton en Bonaero, kie eblos kleriĝi pri streboj konservi indighenajn lingvojn, pri plurlingvaj lernejoj, kaj simile. Fettes tamen akcentas, ke la temo traktos pli vastan terenon.

ACBR
"Tradicie, oni parolas pri 'tri kolonoj' de daŭripova evoluo: la ekonomio, la socio, kaj la naturo. Ni zorgos, ke la temkunsidoj donu atenton al ĉiuj tiuj kampoj. Per tio ni celas ne nur klerigi nin pri aktualaj mondaj evoluoj kaj alternativoj, sed ankau aktualigi nian idearon. El la kongresaj debatoj, lau mia espero, povus veni novaj respondoj al la demando: pro kio Esperanto?"

{/AC}

Detaloj

Skribita de Redazione

Kategorio: Novaĵoj

Publikigita 07 Decembro 2013

Vizitoj: 1595

La nova redaktoro de la revuo "Esperanto", Fabrício Valle, verve laboras por lanchi sian unuan numeron, tiun de januaro 2014, sub sia redaktado. En ghi apenau plu restas spaco por pliaj eroj, sed des pli la redaktoro bonvenigas materialojn por postaj numeroj. Por gardi la freshecon de la revua enhavo li emfazas, ke la novajhoj, artikoloj kaj aliaj kontribuajhoj estu novaj kaj ne jam aperintaj en retaj listoj au aliaj gazetoj kaj forumoj.

Oni prefere sendu la kontribuajhojn rete al la adreso Tiu ĉi retpoŝtadreso estas protektata kontraŭ spamrobotoj. Vi devas ebligi Ĝavaskripton por vidi ĝin.. Se necese, eblas sendi ilin ankau paperposhte al la adreso: Revuo "Esperanto", p/a Esperanto-Asocio de San-Paulo, Rua Faustolo 124, BR-05041-000 São Paulo, Brazilo. La redaktoro bonvenigas ankau proponojn pri artikoloj kaj chiajn komentojn pri la revuo.

Jam estas kreita speciala reta komunumo "Legantaro de la revuo 'Esperanto'", kie la nova redaktoro pretas rekte respondi demandojn kaj komentojn de siaj legantoj. Chiu kiu volas aktive partopreni en la kreado de la revuo, povas alighi al la komunumo che
 https://plus.google.com/u/0/communities/101994865936702585531?cfem=1

Detaloj

Skribita de Redazione

Kategorio: Novaĵoj

Publikigita 03 Decembro 2013

Vizitoj: 1833

Fundamenta Leĝo de Eŭropa Unio

La Spinelli Grupo ĉe Eŭropa Parlamento ĝojas lanĉi novan projekton de EU-traktato, eldonita de Bertelsmann Stiftung.

 

 'Fundamenta Leĝo de EU' estas proponita kiel grava kontribuo al la debato pri la estonteco de Eŭropo. La unueco de Eŭropo estas esenca, se oni volas alfronti la tutmondajn defiojn kaj promocii la eŭropajn valorojn kaj interesojn. Sed kiel povus esti pli bone regata unuiĝinta Eŭropo?

 La nuna konstitucia arkitekturo apenaŭ taŭgas por la celo. La plenuma povo estas disa kaj la politika respondeco malforta. La elturniĝaj rimedoj por alfronti la financan kaj ekonomian krizon etendis la nunajn EU-traktatojn ĝis al siaj limoj.

 La regsistemo de la Unio devas esti reformita, se ĝi estas liveri multe bezonatajn publikajn bonaĵojn hejme kaj decidan gvidantaron eksterlande. Fronte al malamika publika opinio, la naciaj registaroj de la membroŝtatoj timas doni al EU la bezonatajn povojn kaj rimedojn. Naciaj partioj kaj parlamentoj malsukcesas brakumi la eŭropan dimension de la politiko.

 Tial Eŭropa Unio bezonas establiĝi. La eŭropajn defiojn oni povas alfronti nur  per la eŭropa vojo.

 Ĉi propono je 'Fundamenta Leĝo de EU' estas ĝisfunda revizio de la Lisbona  Traktato. Anstataŭante la ekzistantajn traktatojn, ĝi plirapidigas sian paŝadon al federacia unio. Ĝi turnas la Eŭropan Komisionon al demokrata konstitucia  registaro, konservanta la metodon konstruitan de Jean Monnet, laŭ kiu la  Komisiono envojigas la leĝojn, kiuj estos poste kune proklamitaj per la EU-Konsilio [Konsilio de la landaj Ministroj] reprezentanta la membroŝtatojn, kaj la Eŭropa Parlamento reprezentanta la civitanojn.

 Homoj murmuras pri la Unia deficito de demokratio, kvankam vere ili suferas pro  la deficito de EU-regado. La Unio reformita laŭ la linioj establitaj en la Fundamenta Leĝo estos pli kapabla kaj kompetenta, pli travidebla kaj respondeca.

 La Spinelli Grupo ĉe la Eŭropa Parlamento rekomendas la Fundamentan Leĝon por ĝia ekzameno fare de la Konvencio, probable nomumota en printempo 2015, por amendi la EU traktatojn.

 Fundamenta Leĝo devus ricevi aprobon ankaŭ de Prezidanto Barroso, kiu, en sia freŝa parolado pri la stato de la Unio, promesis, antaŭ la eŭropaj parlamentaj

 elektoj, 'eldiri la principojn kaj orientiĝojn, necesajn por vera politika unio'.

 

 Alineaj Proponoj

 1. Por 'Unio ĉiam pli firma', difinita kiel federacia unio de ŝtatoj kaj de

 civitanoj, kies leĝitimeco fontas el popola suvereneco

 2. La Konstitucioj de la membro-ŝtatoj devas respekti la EU-valorojn

 3. La Komisiono iĝas la EU-registaro, elektita kaj respondecanta al la leĝdonaj

 asembleoj de la EU-Konsilio kaj de la Parlamento

 4. Doni limigitan rajton je leĝdona iniciato al EU-Konsilio kaj al la Parlamento

 5. Eŭropa Konsilio redifinita, kia gvida teamo de EU-Konsilio

 6. Abolicio de la laŭvica presidanteco de EU-Konsilio: ĉiu teamo elektas sian

 prezidanton

 7. Komisiono iĝas pli malgranda kaj estas nomumita de sia prezidanto

 8. Iu nombro da parlamentanoj estu elektitaj en tutunia kadro per transnaciaj listoj

 9. Larĝa etendo de la ordinara leĝdona proceduro

 10. Larĝa etendo de la Kortuma jurisdikcio

 11. Pli facila aliro por civitanoj al la Kortumo

 12. Aboli la rigidan unuanimecon pri estontaj ŝanĝoj de la traktato kaj pri ĝia

 ekvalidiĝo

 13. Aboli la ekskludeblecoj en aferoj pri justico kaj internaj aferoj

 14. Estigo de asocia membro-ŝtato

 15. Kreo de propraj fiskaj EU-enspezoj por financi sian elspezadon

 16. Kreo de plia buĝeto por la eŭro-areo

 17. Estigi komunan ekonomian politikon fokusiĝantan sur daŭrigebla kresko

 18. Krei fiskan solidarecon por garantii la fiskan subteneblecon

 19. Doni kromajn povojn al Eŭropa Parlamento pri ekonomi- kaj dungad-politiko

 20. Garantii al naciaj parlamentoj la rajton esprimiĝi okaze de proceduro pri

 troa deficito

 21. Doni pli larĝajn povojn al Eŭropa Centra Banko

 22. Permesi kundividon de suverena ŝuldo sub striktaj kondiĉoj

 23. Malpermesi kaŝmaskon en alproksimiĝo de la naciaj leĝoj

 24. Modernigi la komunajn politikojn

 25. Rajto je konsento por la Parlamento en ĉiuj internaciaj interkonsentoj.

Detaloj

Skribita de Redazione

Kategorio: Novaĵoj

Publikigita 02 Decembro 2013

Vizitoj: 1493

Venontan 2an de decembro okazos en Roterdamo la 3a Ĝenerala Jarkunsido de la Reto Europeana al kiu Hispana Esperanto-Federacio estis invitita ĉar provizanto de metadatenoj.

Logo de EuropeanaEuropeana estas projekto de la Eŭropa Unio por krei publikan eŭropan bitotekon konsistantan el bibliotekaj, muzeaj kaj arĥivaj dokumentoj, oficiale lanĉita la 20an de novembro 2008. Ĝi celas doni aliron al la kultura kaj scienca eŭropa heredaĵo. Europeana estas unika alirpunkto al pli ol 19 milionoj da specimenoj (libroj, pentraĵoj, filmoj, sonregistraĵoj, muzeaĵoj kaj arkivaj dokumentoj) bitigitaj tra Eŭropo. Pli ol 1500 eŭropaj institucioj prizorgantaj kulturan heredaĵon provizas dokumentojn al ĝi. Ilia nombro kaj geografia amplekso daŭre kreskas, kaj ekde la pasinta 15a de marto 2013 eblas tie trovi dokumentojn el Bitoteko, la bita biblioteko de HEF.

Ĉi kunsidoj estas ŝlosila evento por Europeana. Ili donas al ties partneroj la ŝancon kundividi spertojn kaj pridiskuti aferojn de reciproka intereso. Cetere, partoprenantoj povos prezenti siajn projektojn per afiŝoj en spaco pretigota por tiu celo.

Ana Manero, kunordiganto de la projekto Bitoteko, ĉeestos ĉi kunsidon.

Detaloj

Skribita de Redazione

Kategorio: Novaĵoj

Publikigita 02 Decembro 2013

Vizitoj: 1308

Antaŭlasta multhora laborkunsido, hieraŭ en Milano, de c-anoj Carlo Minnaja kaj Giorgio Silfer, por difini la lastan parton de la "Historio de la esperanto-literaturo", verkata de dekduo da jaroj.

Kompare kun pli frua komuniko, la libro nun survojas al kvardeko da ĉapitroj, pritraktantaj ses periodojn de nia originala literaturo: 1887-1921, 1921-1937, 1937-1952, 1952-1970, 1970-1993, kaj post 1993. Komence la kunaŭtoroj planis halti je 1993 (agnosko de esperanto kiel literatura lingvo fare de PEN-Klubo), sed intertempe akumuliĝis dudek jaroj, al kiuj doni almenaŭ superrigardon. Ĝuste pri tio okazis la ĵusa, konverĝa diskuto.

En la labordivido, Carlo Minnaja okupiĝis pri la literaturkritika analizo de poezio kaj prozo, dum Giorgio Silfer verkis la sinteze enkondukajn ĉapitrojn al la diversaj periodoj, kaj la respektivajn pri teatro. La libro proponos multe da bildoj kaj ankaŭ fragmentojn el la arto de la plej fruaj aŭtoroj, precipe.

La unua prezento de la manuskripto al la publiko estas planata por literatura kafejo en Budapeŝto, 24 aprilo 2014, sub la aŭspicio de Esperanta PEN-Centro kaj per la organizo de Fajszi Amika Rondo. La libron eldonos Kooperativo de Literatura Foiro.

[HeKo 546 2-B, 30 nov 13]

Detaloj

Skribita de Redazione

Kategorio: Novaĵoj

Publikigita 30 Novembro 2013

Vizitoj: 1805

Dum sia vojaĝo al Burundio (15-23 novembro 2013), la Konsulo kunportis plurajn ekzemplerojn de Plena Ilustrita Vortaro de Gaston Waringhien, parto de la stoko kiun la Esperanta Civito aĉetis de SAT por helpi tiun asocion en malfacila financa momento. La ekzempleroj estis donacitaj kun la celo plifortigi la rimedojn je la dispono de la multnombraj esperanto-instruantoj.

La vortaro prioritate atingis diversajn lernejojn: Afrika Liceo, Muhuta Liceo, Universitato de Grandaj Lagoj, Universitato Rohero, en la Buĵumbura distrikto, kaj la mezlernejo de Gasanda, en la provinco de Bururi. Kelkaj iris al aliaj instruantoj kiuj agadas en pluraj lokoj, kiel c-anoj Eric Nsengiyumva kaj Pascal Niyondiko. Du iris al lokaj kluboj : tiu de Uvira en Kongolando, kaj tiu de Njanza-Lago en la provinco de Makamba, la urbeto kie la paktinta establo Societo Internacia por Paco Universala (SIPU) planas konstrui la Vilaĝon de Paco.

Neniel tiuj centroj produktantaj amasojn da esperantistoj povus akiri tian materialon sen la decido de la Esperanta Civito. Ili ricevis ĝin kun dankemo, respekto kaj granda intereso.

[HeKo 546 1-C, 30 nov 13] 

Detaloj

Skribita de Redazione

Kategorio: Novaĵoj

Publikigita 30 Novembro 2013

Vizitoj: 1456